UN secretary general dinhmun chuh tumten debate nei ṭan

UN Secretary general thar thlanna tura chuh tumte chuan New York-a UN Headquarters-ah debate an nei ṭan ta. Debate hi khawvel puma en theih turin UNTV leh Al Jazeera Media Network-in a pechhuak a ni.

Debate hi Townhall meeting tia sawi a ni bawk a, Thawhlehni zan dar 6.30 aṭang khan ṭan a ni.

UN hotu nih tuma chuh tum mi 12 zinga 10 chu debate-ah hian an tel a, group hnihah ṭhen niin, group pakhatnaah hian Vesna Pusic (Croatia), Antonio Guterres (Portugal), Susana Malcorra (Argentina), Vuk Jeremic (Serbia) leh Natalia Gherman (Moldova) te an awm. A group pahnihnaah hian Helen Clark (New Zealand), Danilo Turk (Slovenia), Christiana Figueres (Costa Rica), Igor Luksic (Montenegro) leh Irina Bokova (Bulgaria) te an awm thung. Candidate-te hian diplomats leh mipui lam aṭanga zawhnate an chhang nghal a ni.