Singapore PM hmasa ber Lee Kuan Yew a thi
Singapore Prime Minister hmasa ber, Lee Kuan Yew chu nimin zing khan kum 91 mi niin a thi.
Lee hi kum 1959 khan Singapore Prime Minister hmasa ber atan lakluh a ni a, he hna hi kum sawmthum chuang a chelh. Modern Singapore dintu nia sawi a ni a, an ram hmasawnna chak tak thlennaa a lungphum pawimawh tak a ni. A kaihhruaina hnuaiah ram hnufual tak, Singapore chu Asia-a ram changkang ber zingah a hlangkai thei.
Kum 1969 khan Singapore hi Malaysia aṭangin a inla hrang a, Asia-a ram hmasawn chak ber zingah a tel tawh a ni.
Kum 2011 khan Lee-a fapa upa ber, Lee Hsien Loong chu cabinet member atan lak luh a ni a, hemi aṭang hian Lee hian politics hi a chawlhsan ta a ni. Loong hi kum 2004 khan Prime Minister atan thlan a ni.
A kum upat tawh vang leh a hriselna tlakhniam zel avangin tunhnaiah mipui hmuhah a inlan khat hle. Singapore General Hospital-ah hun eng emaw chen enkawl a nih hnuin nimin zing dar 3.18 khan khan a thi.
Singapore sorkar chuan an ram hruaitu hlui hi rampum huapa sunna, March 23 aṭanga 29 thleng hman a ni dawn tih a sawi a, March 29 hian sorkar chawimawi-na nen vuiliam a ni ang.