Russia-in Denmark a vau

Russia chuan Den­mark ram chu NATO missile defence system a zawm chuan nuclear missile hmanga a indo lawnglian kahah a vau.

Denmark chuan August thla vel hian missile shield atan a indo lawnglianahte radar capacity dah a tum tih a sawi a, hei hi khawthlang ram ṭangrualte chuan a member-te missile hmanga beih tur venna atana duan a nih thu an sawi.

Russia chuan mis­sile defence system hi a sawisel a, nuclear ral­thuam chakna leh thil­tihtheihna a ti nep thei a, hei hian Cold War hun­laia silai inneih tam siak hunah a hruai leh thei a ni, a ti.

Denmark-a Russia ambassador Jyllands-Posten chuan Denmark hian he program zawmin a nghawng theih turte a hrethiam lo a ni, a ti. 'Program hi an zawm ve a nih chuan, Denmark indo lawngte chu Russia nuclear missile-ten an bitum tur a ni' tiin a sawi.

NATO thupuangtu, Oana Lungesu chuan Den­mark chu NATO member rinawm tak a nih thu sawiin, an thawhpui ramte chu eng vauna lakah pawh veng turin NATO chuan a bei zel dawn a ni, a ti.