King Richard II ruhro phum ṭha leh dawn

England lal King Richard III chu indona-a a thih aṭanga kum zanga chuang hnuah a ruhro la chhuakin, phum ṭhat leh a ni dawn.

Kum 1485 khan Richard III hi indona hmun­ah thah a ni a, kum 2012 khan a ruang hi Leicester municipal park awmna hnuaiah phum a ni tih hriatchhuah a ni.

Pathianni khan Richard III ruhro hi lakchhuah a ni a, nimin khan a kuang hi Leicester Cathedral panpui niin, kawng lakah mi tam takin an lo hmuak a ni. Cathedral-ah hian England lal hlui hi zahna hlanin a vuina hun hman a ni. Ningani-ah a chhungten Richard III ruhro hi an phum ṭha leh ang.

Richard III hi Eng­land-a Yorking King hnu­hnung ber a ni. Kum 1483 aṭang khan England-ah ro a rel a, kum hnih chauh ro a rel hnuah Henry Tudor-a sipaite chuan Leices­ter bulah an that a, a thih hian kum 32 mi chauh a ni.