US demna petition-ah mi maktaduai chuangin hming ziak

Venezuela sorkar thlawp­tuten US-in an ram a hrekna demna lantirna signature campaign an neih­ah, mi maktaduai khat chuangin hming an ziak tawh.

Campaign hotu, Caracas Mayor Jorge Rodriguez chuan, 'Mi maktaduai 10 signature lak kan tum a, kan lakkhawm theih hunah US President hnenah kan hlan dawn a ni' a ti.

Rodrigues chuan Twit­ter aṭangin Venezuela sorkar chuan thlawpna thuthawn maktaduai 2.6 chuang a dawng tawh bawk tih a sawi.

Kar kalta Ningani aṭang khan signature campaign hi ṭan a ni a, hming ziahna tur hi ramchhunga hmun 13,000 ah siam a ni. US President Barack Obama'n Vene­zuela chu US ram himna tiderthawng thei a ni tia thupek a siam chu sût turin an phut.

Venezuela President Nicolas Maduro chuan hming a sign hmasa ber a, April 9 thleng hming hi lakkhawm a ni ang.