US Senator Ted Cruz-an Republican candidate chuh a tum

Kum 2016-a US President thlanna neih turah, Republican party president candidate chuh a tum thu Texas Senator Ted Cruz chuan a sawi. President candidate chuh a tum thu official-a puang chhuak hmasa ber a ni.

US President thlan hmain Democrats leh Republican party-te chuan an party president candidate tur hi a hranin an inchuh phawt a ngai a ni. Democrats lamah chuan President hlui, Bill Clinton-a nupui, US Secretary of State hlui Hillary Clinton pawhin a chuh dawn nia sawi a ni a, mahse amah hian official-in a la puang lo.

Kum 44 mi, Cruz hi Senate-ah kum hnih a tel tawh a, advocate ṭha tak nia sawi a ni. Cuba aṭanga Canada-a lut, Canada rama piang Cruz hi nakkum November thlaa inthlan hunah thlan tlin a nih chuan Hispanic zingah US President ni thei hmasa ber a ni ang.