Namibia-in khaw kheng vangin ramsa 700 chuang tihlum dawn

Namibia sorkar chuan an ramin khaw kheng nasa tak an tawrh avanga mipuite ei tur indaih lohna phuhrukna atan ramsa 700 chuang a tihlum dawn tih a sawi a, ramsa tihhlum tur zingah hian sai 83 an tel.

Environment, forestry leh tourism ministry chuan thuchhuah siamin, ramsa tihhlum tur hi an ram danpui nen pawha inmil a ni tiin, an rama an thil neihte chu Namibia mite tana hman theih tih tarlan a ni, an ti. Hei vang hian khaw kheng vanga ei leh in lama harsatna an tawh mek phuhrukna tura ramsa 700 an tihhlum hian, an ram mipui zahve, mi mtd 1.4 tan ei tur an pe thei dawn tih an tarlang.

UN World Food Programme in June thlaa report a tih chhuahah khan, Africa chhim lam ramte chuan khaw kheng nasa tak an tuar a, hei hian mi mtd 30 chuang a nghawng niin an sawi.