Inthlan nia a thusawi vangin Netanyahu-a'n thupha a chawi

Israel Prime Minister Benjamin Netanyahu chuan kar kaltaa an ram inthlanpui neih nia Arab-Israeli chungchanga a thusawi avangin Thawhṭanni zan khan thupha a chawi.

Parliament inthlanpui neih ni khan vote thla hun tawp dawn hnaih lamah a kaihhruai sorkar paihthlak a nih theihna atan left-wing organization-te chuan vote thlak turin Arab-Israeli te chu bus-in an hruaichhuak nasa hle niin Netanyahu chuan a sawi.

Inthlan nia a thu­sawi vang hian Netanyhu hian Israel ramchhung leh rampawn lamah sawi­selna a tawk a, Israel President bakah US sor­kar pawhin a sawisel a ni.

Thuchhuah siamin Netanyahu chuan, "Ka thu lo sawi tawh ṭhen­khatin Israel mite rilru a ti na tih ka lo hria a, a bikin Israel Arab-te lung a awi lo hle tih ka hria. An rilru tihnat ka tum lo a, ka thusawi avang hian pawi ka ti hle a ni," a ti.

Mahse Arab politician-te chuan Netanyahu-a thupha chawina hi midangte bum a tumna mai nia an ngaih thu an sawi.