Ṭangrual sipaite'n IS lakah beihpui an thlak leh
US kaihhruai ṭangrual sipaite chuan Pathianni aṭang khan Syria-a Islamic State (IS) firfiakte lakah beihpui an thlak chhunzawm leh.
Ṭangrual sipaite hian Syria-a firfiakte hmun chu ṭum riat an kap a, Iraq-ah ṭum ruk an kap bawk niin Combined Joint Task Force thuchhuah chuan a tarlang.
Syria-a beihpui thlaknaah hian IS-te fighting position, tactical unit leh motor-te an kapfuh a ni.
Thawhṭanni khan Canada Prime Minister Stephen Harper chuan Syria-a ṭangrual pawlte'n IS firfiak laka beihpui an thlaknaah chuan kum khat dang an la tel dawn tih a sawi. Parliament-ah hemi chungchang hi sawichhuakin, IS firfiakte hneh tur chuan beihpui thlak chhunzawm a, an infrastructure leh an hmun hmate beih chhunzawm zel a ngai a ni, a ti. Canada mission atan hian parliament pawmpuina neih kher ngai lo mah se, an inlungrual tlang a ni tih lantirna atan vote la turin sorkarin a pharh a ni.