Kunming station beitu mi 3 tihhlum an ni
China chuan nikuma Kunming rel station-a mipui beitu mi pathumte chu nimin khan a tihlum. Heng mi pathumte hian rel station-ah hian mi 31 an vithlum a ni.
Supreme People Court chuan mi pathumte hi an pawikhawihna avang hian thi turin thiam loh a lo chantir tawh a ni. China hian mi tihhlum nan hian lethal injection emaw kahhlum emaw a hmang ṭhin a, mahse nimina mi pathumte tihhlum an nih dan erawh tarlan a ni lo.
China chhimthang lama awm, Yunna province-a Kunming rel station beihnaah hian mi 31 an thih bakah, mi dang 140 chuangin hliam an tuar a ni. Sorkar chuan chem nena mi pawng beitute hi Xinjiang-a sorkar laka hela inlakhran tumte an ni tih a sawi.