US sipai thuruk rutu Chinese hacker tang dawn
US chuan kum 2008 leh 2014 inkara Chinese military hacker dangte nen inthuruala US defence company aṭanga data pawimawh rutu, Chinese sumdawng Su Bin chu US-a kum li tang turin a hrem.
Su Bin hi kum 2014 khan Canada-ah man a ni a, US-ah thawn a ni.
China sorkar chuan foreign company leh sorkar thil pawimawh khawihsak chung≠changah hian inhnamhnawihna engmah a neih loh thu a sawi.
Los Angeles court chuan Su hi dollar 10,000 chawi tura a tih bakah, thla 46 chhung tang turin a hrem a ni.
Assistant attorney general John Carlin chuan thuchhuah siamin, Su Bin hian Chinese military hacker-ten dik lo ta a US military aircraft design leh data pawimawhte an neihsak chung≠changah hian a thawhpui ngei tih pawh a sawi tawh niin a sawi.