IS commander Omar Shishani a thi tawh

Islamic State (IS) firfiak pawl chuan an pawl commander pawimawh tak, Omar Shishani chu Mosul chhim lama Shirqat khua beihnaah a thi niin an sawi.

US chuan Syria chmarchhak lama IS laka beihpui an thlaknaah kumin March thla khan Omar Shishani hi a thi niin a lo sawi tawh bawk.

Shishani hming tak hi Tarkhan Batirshvili a ni a, mahse Chechen-ah chuan Omar tia hriat a ni thung. IS hotu lu ber, Abu Bakr al-Baghdadi nena inpawh takniin, a military adviser nia sawi a ni.

IS-ten an chanchin thar neih leh, ramdangte thuchhuah chhanletna atana an hman ber, Amaq news website-ah Shishani thih chungchang hi an tarlang. IS hian March thlaa US-in beihpui thlaknaah Shishani a thi nia an sawi chu thudik lo a nih thu pawh a lo tarlang tawh a ni. Thuchhuah an siam tharah hian Iraq sipaiten IS kut aṭanga Mosul khawpui laklet tuma firfiakte nena an inbeihnaah Shishani hi a thi niin a sawi a, a thih hun erawh a tarlang tel lo.

Nikum khan US chuan Shishani lu man atan hian US dollar maktaduai 5 a phal thu a lo tarlang tawh a, firfiak pawl sipai hotu dinhmun hrang hrang pawh a chelh tawh a, 'minister of war' pawh a ni tawh niin a tarlang.