Russia-in Jordan nuclear power plant siam dawn

Jordan chuan an ram hmarlam, Amra-a nuclear plant siamna turin Russia chu inremna a ziahpui.

Dollar tluklehding­awn khat inremna an ziahah hian Russia chuan Jordan rama nuclear power plant, megawatt 1,000 reactor pahnih awmna tur chu a siam dawn a ni.

Inremna hi Jordan khaw­pui, Amman-ah Thawhleh­ni khan ziahfel a ni.

Jordan hian tual­chhunga siamchhuah energy a nei lo tluk a ni a, electricity a hman zinga 96% hi rampawn aṭanga a lakluh a ni. Tun hnaiah a ṭhenawm ram, Iraq leh Egypt-ah buaina a thlen fo avangin an tan pawh a him lo a, hei bakah hian Jordan ram hnena electric an supply-te tihtawp sak vekahte an vau fo a ni.

Jordan sorkar nena inremna siamtu hi Russia sorkar hnuai a mi, Rosatom company a ni a, nuclear plant hi kum 2022-ah siam zawh hman tum a ni.