US-in Afghanistan aṭanga sipai lakchhuah hun timuang dawn
US chuan Afghanistan aṭanga a sipaite a lakchhuah tur chu a timuang dawn a, kumin kumtawp thlengin America sipai 9,800 chu dah chhunzawm a la tum. Hemi rual hian Afghanistan mission chu ruahman lawk angin kum 2016-ah tihtawp a ni dawn tho niin US President Barack Obama chuan a sawi.
White House-a Afghanistan President Ashraf Ghani nena news conference an neihah he thu hi sawiin, Obama chuan Afghanistan sorkarin sipaite lakchhuah an tum dan chu pawtfan deuh tura a ngen thu a tarlang.
Ram pahnihte hian thuchhuah inṭawm siamin, "President Ghani-a'n a ngen angin US chuan kumin kumtawp thlengin a sipai 9,800-te chu Afghanistan-ah a dah chhunzawm dawn a ni," a ti. Kum 2016-a sipaite lakchhuah an nih dan chu kumtawp lam hian ngaihtuah a ni ang an ti bawk.
US in ruahmanna a lo siam hmasakah chuan Afghanistan rama a sipai 10,000 vel la awm zinga a zahve vel chauh chu kumin kumtawp thlenga dah a tum a, mahse Afghanistan nena an inkar boruak ṭha chho zel avangin an ruahmannate hi an ennawn leh ta niin an sawi.