US-in Iraq-a Tikrit khawpuiah beihpui a thlak ṭan

US Defence Department chuan Iraq-a Tikrit khawpuia Islamic State (IS) firfiak pawl lakah beihpui an thlak ṭan tih a sawi.

IS hian Tikrit khawpui hi an la tawh a, Iraq security force-te'n lak let tumin an bei mek a ni. US sipaite hian Iraq sipaite pui turin thlawhtheihna aṭangin IS hmun pawimawh a bei. Department thuchhuah chuan Iraq Prime Minister Haider al-Abadi a ngen anga beihpui thlak an nih thu a tarlang bawk.

Tun thla tir aṭang khan Tikrit khawpuiah hian fir­fiakte leh Iraq sipaite hi an inbei tawh a, Iraq sipaite hi Iran in a pui bawk. Tikrit hi Iraq Prsident hlui, Saddam Hussein-a khua a ni a, khawpui pawimawh tak a ni.