Thailand PM Prayuth Chanocha'n journalist-te a vau

Thailand Prime Minister, sipai hotu hlui General Prayuth Chan-ocha chuan thu dik lo puangzartu media-te chu tihhlumah a vau. February thla khan an rama chanchin thar puan­chhuahnate chu khar sak vek tura thuneihna a neih thu a lo sawi tawh bawk.

PM chuan reporter-te chu sipai kaihhruai sorkar chu an thlawp ve kher a ngai lo a, hemi rual hian thudik chauh an puang chhuak tur a ni, a ti.

Nikum May thla khan mipui thlan, Prime Minister Yingluck Shinawatra leh a kaihhruai sorkar chu sipai chakna hmanga paihthlak a ni a, hemi hnu hian Prayuth hian sipai rorelna, Natonal Council for Peace and Order hnuaiah Thailand prime mnister-ah a awm zui nghal a ni.

Sipai sorkar a din hnu hian PM chuan sorkar laka lungawi lote dapchhuah hna a thawk zui nghal a, hun rei tak politics vanga buaina an tawh avangin an ram chuan sipai rorelna dan chu an hman a la ngai a ni, a ti. He dan hnuaiah hian sipaite chu thuneihna sang pek an ni a, thubuai siamsak kher loa mi man leh hren beh thlengin an ti thei a ni.