France President-in Covid-19 a kai

France president Emmanuel Macron chuan Covid-19 a kai tih nimin khan hriat a ni a, mahse hri hi khawi aṭanga a kai nge tih hriat chian a la ni lo. 

President office chuan thuchhuah siamin, President Macron hian symptom anih avangin PCR test neihsak a ni a, hri a kai tih hriat a ni ta a ni, a ti. Ni sarih chhung a inkhung hrangin, in lam aṭangin hna a thawk dawn a ni. A zin chhuahna tur te pawh ṭhulh nghal vek niin, December 22-a Lebanon tlawh a tum pawh ṭhulh a ni. 

Marcon chuan khawi aṭangin nge hri hi a kai tih a hriat theih mai loh thu a sawi. Kar liam ta kartawp lamah khan European Union Summit-ah a tel a, Germany Chancellor Angela Merkel nen pawh meeting an nei a ni.  

Prime minister Jean Castex pawh tun hnaiah President Macron nen hian inhnaihna an neih avangin a inkhung hrang ve nghal tih Senate head, Gerard Larcher chuan a sawi.