NKorea-in SKorea Spy 2 a man

North Korea chuan South Korea mi pahnih, an rama enthlak hna thawkte chu an man tih an sawi a, an mi mante thlalak pawh an tlangzarh bawk.

Thuchhuah siamin, NKorea chuan mi pahnihte hi China ramri bula khuaah an man a, North Korea tihhmingchhiat tuma beitute an ni, a ti.

South Korea chuan an mite pahnih chu chhuah tura a phut thu sawiin, NKorea puhna chu thu dik lo a ni, a ti.

NKorea hian an rama ramdang mi lutte hi a man fo a, sakhaw thila rawngbawlna lam hawi khap a nih avangin missionary-te pawh man an lo ni fo tawh bawk.

NKorea thuchhuah chuan mi pahnih an mante hi NKorea sawi­sel leh dodalna campaign-ah an tel a ni, a ti. Hei bakah hian an rama party, sorkar leh sipaite thurukte an lakhawm a, pakhat zawk hian Dandong-a leihnuai biak-in aṭangin sakhaw lam thilah rawng a bawl ṭhin bawk tih a sawi.