Argentina court-in President Fernandez-i thubuai a titawp

Argentina Court chuan an ram President Cristina Fernandez de Kirchner-i thubuai a titawpsak.

President Fernandez-i hi kum 1994-a Buenos Aires-a Jewish centre bomb a nih ṭuma inhnamhawiha puh, Iran official-te hum tuma puh a ni. Mahse President puhna hi ngaihtuahin, judge-te chuan eng thilsual mah a ti lo niin an sawi.

Kumin January thla khan special prosecutor Alberto Nisman chuan President Fernandez-i puhna report phek 350-a chhah a siam a, mahse court-ah a puhna chungchang a sawichian hma in a inah thia chhar a ni. Judge-te chuan prosecutor report hi an enfiah hnuah thutlukna an siam ta a ni.

Court of appeal chuan President puhnaah hian finfiahna fel tak a awm lo tih an sawi .

Kum 1994 July thla khan Argentine Israelite Mutual Association (Amia) cultural centre building, chhawng sariha sang chu car bomb hmanga beih a nih avangin mi 85 in an thih phah a ni.