Nokia-in thla-ah 4G network siam dawn

National Aeronautics and Space Administration (NASA) chuan thla (moon) a 4G cellular network siamna tur, US maktaduai 14.1 hu contract chu Nokia hnenah a pe. 

NASA chuan Nokia hnena contract pek a nih thu hi puangin, hei hi space exploration atana advance research leh development tihna,  USD mtd 370 hu contract a siam hnuaiah a ni. 

Jim Bridenstine, NASA Administrator chuan space agency chuan an hmathlir, kum 2028-ah lunar base-ah astronaut-te hnathawh tir a tumna chu tihhlawhtlin a nih theihna atan thlaa-a khawsak leh hnathawh theihna tur technology thar siam thuai a ngai a ni, a ti. "Thla leilunga hun rei tak daih thei tur power systems kan mamawh," tiin a sawi. 

Nokia research arm, Bell Labs chuan an contract hmuh chungchang hi Twitter lamah an tarlang bawk a, company chuan wireless operation tih an tum dawn tih a sawi. Hei hi Nokia-in thlaa LTE  network siam a tumna hmasa ber a ni lo a, kum 2018 khan German space company, PTScientists leh Vodafone UK nena Apollo 17 ṭumna hmunah LTE network siam turin ruahmanna an lo siam tawh a, mahse an mission hi an ti hlawhtling ta lo a ni.