Poland-in khum 500 awmna field hospital siam

Poland chuan an ram khawpui, Warsaw-a National Stadium-ah Covid-19 hri kai te enkawlna tur damdawi-in an siam mek. 

Field hospital siam hi khum 500 awm theihna tur a ni a, tunkar chhungin peihfel hman tum a ni. Province dangah field hospital hi siam belh a ngai dawn em tih sorkar chuan a ngaihtuah dawn bawk a ni.  

Kar liam ta Inrinni khan Poland rama Covid-19 hri kai thar chu darkar 24 chhungin 9,622 an awm a, hei hi Poland rama hri kai an tam ber ni a ni. Pathian ni khan Poland rama hri kai thar chu m 8,536 an awm a, hri kai an pun zel avangin damdawi-in siam belh zel turin Poland sorkar chuan hma a la mek a ni.  

Poland health ministry tarlan dan chuan Covid-19 hri kai tawh zawng zawng hi mi 1,83,248 an ni a, heng zinga mi 94,014 chu enkawl dam tawh niin, thi hi mi 3,614 an awm tawh bawk.