Germanwings co-pilot a khawhmuh ṭha lo vangin enkawl a lo ni tawh

France rama Alps tlanga Germanwings thlawhtheihna Airbus A320 tlak luih puitu, co-pilot Andreas Lubitz-a chanchin chu chhui chian mek a ni a, a hmain a khawhmuh dana harsatna a neih vangin enkawl a ni tawh tih leh, rilru lam doctor-te pawh a lo rawn tawh tih hriatchhuah a ni.

Kum 2009 khan Lubitz hi depression a neih vang leh, mi khawih mai a chin avangin pilot training a neih laklawh lai pawh chawlhsan tura tih a lo ni tawh niin German newspaper Bild chuan a tarlang.

A khawhmuh lama harsatna a neih dan hi hriatchian la ni lo mah se, investigator-te chuan hei hi an rilru lam thlengin nghawng a nei thei niin an ring. A chenna in an dapnaah, police-te chuan depression damdawi leh lehkha ziak ṭhenkhat, pawhthlerte an hmu a ni. A medical document an hmuh aṭangin a natna te avang hian enkawl a lo ni tawh tih hriatchhuah a ni bawk.

Hetihlai hian Lufthansa CEO Carsten Spohr chuan Lubitz hian training tura psychological test ngaite pawh ṭha takin a paltlang vek tih a sawi.