Sarkozy-an pawikhawihna thleng dang thei loah France sorkar a puh

France President hlui, Nicolas Sarkozy chuan France sorkar chu an ram himna tura hma la ṭha tawk lo leh, pawikhawihna thleng dang thei loah a puh.

Nice khawpuia Bas-tille Day lawmna hmuna pawikhawihna rapthlak tak a thlen hnuah, eptu pawl centre-right hruaitu Sarkozy chuan Islam sa-khaw kaihhnawih, ram-dang mi awmte chu France ram aṭanga hnawhchhuah vek a rawt bawk.

Kar kalta Ningani-a Bastille Day hmanga pungkhawmte awmna hmuna motor lian khalh lut a, mipuite pawng chil an nih avang khan mi 84 an thi a, hliam tuar mi 85-te chu damdawi-inah enkawl an la ni a, an zinga mi 18 chu an dinhmun a ṭha lo hle. Motor-in a chil hlumte ruang hi enfiah mek an ni a, an zinga mi 35 chauh chu an nihna hriatchian a la ni.

Sarkozy chuan, "Demo-cracy chu a chak lo tur a ni lo, Democracy chuan indona hi kan hneh ngei tur a ni, a ti tur a ni" a ti. Muslim kalfawr lutuk te laka hrekna na tak siam a duh thu a sawi bawk.