Typhoon Nepartak vangin China-ah mi 83 an thi

China khawchhak lama thlipui, Typhoon Nepartak tleh vangin mi 83 an thi a, chin hriat lohin mi 19 an awm mek. Thlipui hian thil tam tak a tichhe bawk.

Pathianni chawhnu khan thlipui hian Fujian province a nuai a, Minqing Country chuan tuar na berin, mi 73 an thi a ni. Thlipui hian ruah a ken tel avangin ruahsur nasa takin thlai chinna ram hectare 5,267 vel a chim a, chenna in 3,144 chuang a chhe bawk. Thlipuiin thil a tichhiat hlut zawng hi an ram pawisa, Yuan tluklehdingawn 7.1 vel a tling.

China sorkar chuan Minqing County official pathum chu thlipui tleh tur atana chhiatna nasa tak thleng tur pumpelh tura an inbuatsaihna
ṭhat tawk loh vangin a hrem. Official hrem takte hi Minqing County deputy party chif leh acting head, Huang Shiyang bakah lower ranking offiical pahnih an ni.