Israel PM hlui eiruk thubuaiah thiam loh chantir

Israel Prime Minister hlui Ehud Olmert chu eiruk thubuaiah nimin khan thiam loh chantir a ni. A hmain a thubuai dangah thiam loh chantir a lo ni tawh avangin kum ruk tang tura hrem a ni tawh bawk.

Olmert hi thuneihna a chan laiin US sumdawng hnen aṭangin dan loa sum dawngah puh a ni. Hei vang hian dik lo taka thilti leh, an ramin a laka rinna a nghahte bawh­chhiaah puh a ni.

Kum ruk tang tura thiam loh chantir a nihna thubuai hi Jerusalem-a estate deal siamna tura thamna, dollar 160,000 laa puh a nihna thubuai a ni. Hei hi Jerusalem mayor a nih laia thleng a ni.

Eiruknaa inhnam­hnawiha puh a nih vang­in Olmert hian kum 2008 khan prime minister aṭanga a ban thu a puang a ni. Thamna laa puhna thubuai pahnih an siam­sakah hian thil tih dik lo leh dan palzut zawnga chetna a neih loh thu a sawi. Court thutlukna hi ngaihtuah ṭha leh tura a ngen tur thu a sawi bawk.