Venezuela-in signature maktaduai 5 lakhawm tawh

US sorkarin Venezuela chu a ram himna tiderthawng thei a ni tia a puan chu sut leh tura phutin Venezuela mipuite'n an nawr a, US President Barack Obama hnena petition an thehluh tura signature an lakkhawmah mi maktaduai nga chuangin hming an ziak tawh.

Signature campaign buaipuitu leh Caracas mayor Jorge Rodriguez chuan Pathianni zing thleng khan signature maktaduai nga chuang an lakhawm tawh a, maktaduai 10 tlin tur­in an bei chhunzawm zel dawn tih a sawi. Mi maktaduai 10 in hming an ziah hunah US President Obama hnenah an thehlut dawn tih sawiin, "Hei hi Venezuela mipuite'n kan ram inrelbawlnaa ramdang inrawlh kan duh loh zia chiang taka lantirna a ni," a ti.

Venezuela President Nicolas Maduro pawhin mipuite chu sorkar an thlawpna lantir chhunzawm zel turin a ngen.