Iran nuclear talk chhunzawm a ni

P5+1 ram leh Iran-in Iran nuclear program chungchanga inbiakna neih chu an chhunzawm zel a, inbiakna tihtawp hun atana March 31 an duan chu a thlen dawn tawh avangin hun tiam chhunga inremna siam hman ngei tumin hma an la.

Switzerland-a Laussane khawpuia inbiakna neihah hian June 30-a inremna tluantling siam a nih hma ngeia inhriatthiamna an neih a ngai tih an sawi. Inbiakna hi hun eng emaw chen kalpui tawh mah se, inremna an la siam thei lo a ni.

P5+1 (United States, Russia, China, France, Britain, plus Germany) ram hian Iran chu a nuclear program kum 10 aia rei chawlhsan turin an phut a, mahse hei hi Iran chuan a la pawm thei lo a, a hnathawh chin tur bithliah siamsak mai tur leh, an ram hrekna siamte hlip turin a phut thung.