Australia-in 'cockpit rule' khauh zawk a siam
Germwanwing thlawhtheihna, Airbus A320 chu co-pilotin a pilot chu kawngka khar hnanin, France rama Alps tlangah a tlak luihpui a, he thlawhtheihnaa chuang mi 150-te chu an thi vek a ni.
Germanwings thlawhtheihna tlak hnu hian ram hrang hrangte chuan an airlines rules neihte an ennawn nghal a ni.
Australia sorkar chuan thlawtheihnaa pilot-te chuanna, cockpit-ah englai pawha mi pahnih awm turin a rel. Australia Deputy Prime Minister Warren Tuss chuan mi pahnih an awm reng tur a ni tiin, "Pilot emaw co-pilot emaw a chhuak lawk duh a nih pawhin, flight attendant chuan an ai awhin cockpit-ah chuan a lo awm ve tur a ni," a ti.
He dan hian Australian operator hnuaia domestic leh international flight zawng zawng a huam vek dawn a, an zingah hian Qantas, Jetstar, Virgin Australia leh Tigerair Australia airlines-te pawh an tel.