US school-a inkahna thlengah mi 4 an thi
US-a Georgia state-a Winder khuaa Apalachee High school-ah an ram huna Nilaini khan inkahna a thleng a, mi pali - zirtirtu pahnih leh zirlai pahnih an thi a, mi pakua an hliam. Silai hmetpuaktu nia hriat, kum 14 mi Colt Cray chu man nghal a ni bawk.
Georgia Bureau of Investigation director Chris Hosey chuan pawikhawihtu silai hman hi AR-15, semi-automatic rifle a ni tih sawiin, kum 14 mi ni mah se puitling anga thubuai siamsak a ni dawn tih a sawi.
Colt Gray hi algebra class an neih laiin a chhuak a, a hnuah silai kenga luh leh a tum chu kawngka an hawnsak duh lo a, classroom danga kalin a pawng kah ta nia sawi a ni. Pawikhawihna thlen hnu lawkah police-te chu school-ah hian thlengin, campus-ah Gray hi an man zui nghal a ni.
US-ah hian inpawngkahna hi a thleng ngun hle a, kum 2023 khan ṭum 42 thlengin mi 217 in nunna an chan a ni.