A320 co-pilot mahni intihhlum tum chungchangah enkawl a lo ni tawh

Germanwings thlawh­theihna, Airbus A320 tlak luihpuitu nia sawi, co-pilot Andreas Lubitz chu pilot licence a neih hmain mahni intihhlum venthawn thilah enkawl a lo ni tawh.

Kum 27, Lubitz hi France rama Alps tlangah thlawhtheihna tlak luih­puiah puh a ni a, thlawh­theihnaa chuang mi 150-te chu an thi vek a ni.

Duesseldorf public prosecutor Chris­toph Kumpa chuan Lubitz hi pilot a nih hmain psychotherapist-in a enkawl tawh a, enkawl a nih chhan hi mahni intihhlum tum chungchang a ni tih a sawi. Tun hnuah doctor-te rawn fo mah se, intihhum tumna lam erawh a neih hriat a nih loh thu a sawi. Mahse kum 2009 khan depression a neih avangin kum khat leh a chanve chu enkawl a ni leh bawk.