Japan-in North Korea a hrekna a pawtsei

Japan chuan North Korea, Democratic People's Republic of Korea (DPRK) a hrekna chu kum hnih dang pawhsei a remti.

Japan-in NKorea a hrekna hi kumin April 13 hian a tawp dawn a ni. Mahse kum 1970 leh 1980 chhoa NKorea-in Japan mi an rukbote chungchang chhui­naah hmasawnna engmah a awm loh avangin hrekna hi pawtsei leh an rel a ni. NKorea ram hreknaah hian Japan lawngchawlh hmuna DPRK register lawng chawlh khapna leh ram pahnihte inkara chartered flight thlawh tir lohte a tel.

Japan mi rukbote chan­chin chhui hna hi NKorea in a kalpui thar leh avangin nikum July thla khan Japan chuan a hrekna ṭhenkhat chu a lo hlip tawh a ni.

Japan Chief Cabinet Secretary Yoshihide Suga chuan news conference a buatsaihah rukbote chanchin chhui chhuak turin NKorea chu an nawr chhunzawm zel dawn tih a sawi.