France President-in PM thar atan Michel Barnier ruat

France president Emmanuel Macron chuan an ram prime minister thar atan veteran politician, Michel Barnier a ruat.

Prime Minister thar atana ruat hi Europian Union-a Brexit negatiator hlui a ni. Ningani khan President Macron chuan Elysee Palace-ah Barnier hi hmuin, a cabinet pawh siam fel thuai turin a chah.

Barnier hi Republicans party (LR) right-winger niin, kum 2022-a President thlan dawna party nomination inchuhnaah Macron a hneh zawh loh hnuin politics lamah thawm a nei lian zui vak lo.

Foreign minister hlui leh EU commisisoner hlui a ni a, tunah hian kum 73 mi ni tawhin, France modern political history-a PM ni thei zinga upa ber a ni. France PM ni thei naupang ber, kum 35 mi Gabriel Attal kut aṭangin PM dinhmun hi a la chhawng a ni.

PM thar chuan political group hrang hrangte thurawn a ngaithla zel dawn tih sawiin; healthcare,security leh job bakah an ram leiba tihtlemte chu a ngaih pawimawh hmasak tur a nih thu a sawi.