Iraq sipaite'n Tikrit an la let

Iraq sipaite leh an thawhpuite chuan Islamic State of Iraq and the Levant (ISIL) firfiak pawl kut aṭangin an ram khawpui pawimawh tak, Tikrit chu an la let tawh.

Iraq Prime Minister Haider al-Abadi chuan Tikrit khawpui lak let a ni ta chu lawmawm a tih thu sawiin, indonaa tel sipaite chu lawmpuina a hlan nghal bawk.

PM Abadi-a thupuangtu, Rafid Jaboori chuan, "Iraq sipaite chuan Tikrit khawpui laili lutin, Iraq hnam puanzar an zar tawh a, khawpui pawh thenfai mek a ni," a ti.

Tikrit khawpui laklet tuma an beihnaah, security force leh paramilitary force-te chuan khawpui hi hmun hrang hrang aṭangin an lut a, IS hoin an luahsak governor headquaters leh hospital-te pawh an la kir vek tawh a ni.