Anwar-a ngaihdam dilna hnawl

Malaysia eptu hruaitu, a mipatpui nen inkawpa sawi a nih avanga thiam loh chantir, Anwar Ibrahim chu February thla khan kum nga chhung tan tura hrem a ni.

Anwar Ibrahim-a chhungte chuan an ram lal hnenah ngaihdam dilna an thlen a, mahse nimin khan an ngenna hi hnawlsak a ni. Ngaihdam dilna hnawl a nih tak avangin Anwar hian a tan hun hi a tlak a ngai dawn a, hun rei tak jail-a tantir a nih dawn avangin politics-a a dinhmun pawhin a tawrh phah hle rin a ni.

Malaysia hi Muslim ram a nih avangin anpui kawp hi khap tlat a ni a, mahse mahni anpui kawp vanga thubuai siamsak leh thiam loh chantir erawh chu an la tlem hle. Anwar-a ukilte chuan royal pardon an dilna hnawlsak a nih dan chanchin chiang zawka zawh an tum thu an sawi a, hei bakah hian hremna pek a nih danah judicial review nei tura ngen leh an tum bawk.