Khawvela upa ber a thi

Khawvela upa ber tia Guinness World Records-in a chhinchhiah, Japan mi Misao Okawa-i chu nimin khan kum 117 mi niin a thi.

Okawa-i hian thla khat liamtaa khan kum 117 a tling a, fa pathum a nei a ni. Osaka-a nursing home-ah enkawl niin, nimin zing dar 7 khan a thi a ni.

Kum 1989, March 5-a piang Okawa-i hi Indopui pakhatna a chhuah khan tleirawl a ni tawh a, thla (moon)-a mihring a inkahkai hmasak ber khan kum 70 a tling tawh bawk. Kum 114 a nih khan Guiness World Records chuan khawvela hmeichhe damlai zinga upa berah a lo pawm tawh.

Japan mipuite hi an damrei hle a, khawvela mipa upa ber ni mek, Sakari Momoi pawh Japan mi niin February thla khan a kum 112-na a lawm a ni. Kum 2013-a Japan hmeichhiaite dam rei zawng chawhrual chu kum 86.61 a ni a, mipa dam rei lam chu 80.21 a ni.

Okawa-i a thih tak avangin khawvela mihring damlai zinga upa ber nia ngaih chu kum America mi, Gertrude Weaver a ni a, kum 116 a upa a ni.