China security hotu hlui thubuai siamsak a ni

China security hotu hlui, Zhou Yongkang chu thamna la, thuneihna hmang dik lo leh ram thuruk puangchhuakah puhin thubuai siamsak a ni.

Zhou hi kum 2012 khan a pension a, a pension hmain China rama thiltithei ber zingah a tel a ni. Ministry of Public Security hotu bakah, rorellai party Communist Party-a committee sang ber Politburo Standing Committee member a ni tawh bawk.

Kum 2013-a President thar, Xi Jingping lakluh a ni hnu khan Zhou hi chhui chian tura tih a ni. Kum 2014 July thla khan dan ang takin a chungchang chhui hna hi kalpui a ni a, a hnuah Communist Party aṭangin hnawhchhuah a ni bawk.

Zhou-a thubuai hi hmarlama Tianjin court-ah ngaihtuah tura thawn a ni.