NKorea-in missile a enchhin

North Korea chuan South Korea nena an inkar boruak tichhe zual turin missile pali a enchhin leh.

South Korea military official chuan NKorea hian a ram khawthlang lam tuipuiah short-range missile pali a enchhin leh tih a sawi, heng missile te hi km 140 china thui kap thei an ni.

NKorea hian US-South Korea military drill neih ṭhin duh lohna lantrin missile hi a lo enchhin fo tawh a, tun ṭumah pawh hian US leh SKorea sipaite hian kumtina an tih ṭhin angin military drill hi an nei mek a ni. Ram pahnihte chuan drill an neih ṭhin chu defence training atana ti an nih thu an sawi a, mahse NKorea chuan an ram run tura an inbuatsaihna niin a puh thung.