Easter Sunday pualin Pope-in mass buatsaih

Roman Catholic kohhran hotu, Pope Francis chuan nimin khan Easter Sunday pualin Vatican-a St. Peter's Square-ah mass a buatsaih a, central balcony aṭangin mal a sawm bawk.

Inrinni zan khan Pope hian St Peter's Basilica-a Eater vigil service a kaihhruai a, he hunah hian Italy,Portugal, Albania, Kenya leh Cambodia mi 10-te baptis an ni.

Pope Francis hian Good Friday ni khan Colosseum, Rome-a kawng zawh hma a hruai a, khawvel ram hrang hranga Kristian tihduhdah leh thahna thleng fo chu pawi a tih thu sawiin, Kristiante'n hmun hrang hranga Islam firfiakte kut an tawrh laia khawvel a ngawi tlat chu a dem thu a sawi.