Ram rethei zawkte tan rapid diagnostic test mtd 120 buatsaih

Covid-19 hri kai endikna atan rapid diagnostic test-na maktaduai 120 chu ram rethei zawkte tan siamsak a ni dawn a, test man hi unit khat US dollar 5 zel  a ni dawn tih World Health Organization (WHO) chuan a tarlang.

Hemi chungchangah hian WHO Director-General Dr Tedros Adhanom Ghe­breyesus chuan manufacturer, Abbott leh SD Biosensor chuan Bill & Melinda Gates Foundation an thawhpui thu a sawi a, anni  nen ṭangkawp hian rapid diagnostic test-na mtd 120  chu ram rethei zawk te tan buatsaih a nih thu a sawi. 

Ram rethei tam tak  chuan Covid-19 hri kai test-na tur  laboratory leh a pawimawh dangte an nei mumal lo hle a, hei vang hian rapid diagnostic test hi an buatsaih a ngai a ni tiin Dr Tedros chuan a sawi a, hri kai darh zel tur venna kawngah hmasawnna a thlen phah ngei a rin thu a sawi bawk.