Greece-in a leiba rulh a remti

Greece chuan International Mone­tary Fund (IMF) hnena a leiba chu April 9 hi a rul dawn tih a sawi.

Greece Finance Minister Yanis Varoufakis leh IMF hotu Chris­tine Lagarde-te inkawmnaah minister hian an leiba te pek an tum thu a hrilh. Greece hian IMF hnena a leiba, dollar maktaduai 501 a rulh chuan sorkar hnathawkte hlawh pek tur a nghawng thei dawn nia sawi a ni.

Leiba avanga buai mek, Greece hian a leiba lak aṭanga khaichhuah anih dan turah creditor-te nena inbiakna neih dan tur a ngaihtuah mek a ni. European Union leh IMF hruaitute chuan eurozone-in a pawmpui reform program kalpui a remtih hma chuan sum lama an puihna an titawp rih bawk.

Kar hmasa khan sorkar chuan EU leh IMF aṭanga sum an hmuh theih beiseiin reform package thar a siam a, mahse hei hi pawmpui a la ni lo.