Czech President-in Prague Castle-ah US palai luh a remti lo

Czech President Milos Zeman chuan an rama US palaiin Moscow-a Indopui II-na hriat­rengna hun hman tura tel an tum chung­chang a sawisel avang­in, President chenna in, Prague Castle-ah a luh ve a remti dawn lo.

Ukraine tualchhung buainaah Russia a inrawlh avangin May thlaa Moscow-a hun hman tur hi European Union hruaitute chuan an boycott a, mahse Czech President Zeman chuan a tel dawn tih a sawi a ni.

Moscow-a kal a tum chungchang Czech-a US ambassador Andrew Schapiro-a'n a lo sawisel chu chhangletin, President Zeman chuan, "Ambassador-te'n ram dang ka tlawh tur chungchang hi an lo sawi ve ka remti lo," a ti.

President thupuangtu chuan Schapiro hi President official residence, Pargue Castle-a vantlang inkhawm buatsaih ang chi ah chuan a la tel thei dawn tih a sawi.

Schapiro hian kar hmasa khan EU ramte'n Moscow-a hun hman tur an boycott laia Czech President-in kal a tum chu thil awm lo tak nia a ngaih thu TV-a an kawmnaah a sawilang a ni.