Mexican judicial reform duh loin nawrh huaihawt

Mexico sorkarin judicial reform siam a tumna sawi hlawh tak an duh lohna lantirin, Pathianni khan Mexico City-ah court-a thawk leh law zirlai ṭhahnem takin nawrh an huaihawt.

Judicial system siamṭhat tumnaah hian, judge-te chu popular vote hmanga thlan rawt a ni. Parliament lower house, Chamner of Deputies-ah chuan pawm a ni tawh a, president kal chhuak tur Andres Manuel Lopez Obrador nawrna avangin Pathianni khan Senate ah pawh sawi ho a ni a, zanah Senate Committee chuan bill hi a pawm ve leh nghal a ni.

Judicial worker-te chuan he thil hi an duh lo hle a, Supreme Court pawh inrawlh turin a ngen. Supreme Court chief justice Norma Pina pawhin judicial reform rawtna chu sawiin, a bill hming tak hi sawi lang lo mah se judicial branch nuaibo tumna a ni, a ti. Pina chuan President Obrador leh Congress chu reform package chungchanga mipuite ngaihdante ngaihthla turin a ngen.