NKorea-in an ram 75th anniversary lawm

North Korea chuan an ram 75th anniversary lawmna chu Pyongyang-a Kim Il-sung square-ah neiin, military parade an nei bawk.

September 9, 1984 khan national founder Kim Il-sung kaihhruaiin North Korea sorkar hi a ding a, he ni hi national founding day tiin an lawm zui a ni. China president Xi Jinping leh Russia president Vladimir Putin-te chuan North Korea rama hotu, Kim Jong-un chu an ram founding day anniversary pual hian duhsakna an hlan. Xi chuan NKorea nen thawhdunna thuk zawk an neih zel a beisei thu pawh a sawi tel bawk. Nikuma founding day an lawm ṭum khan Kim pawhin palaite inbiakna kaltlangin China leh Russia nena inlaichinna nghet zawk siam a lo tiam tawh bawk.

Pathianni khan premier Kim Tok-hun leh official dangte chuan Kim Jong-un-a pa, Kim Jong-il leh a pu, Kim Il-sung te ruang an dahna, Kumsusan Palace of the Sun tlawhin zahna an hlan. Kim hian kum 2012, 2018 leh 2021 khan an ram anniversary-ah a pa leh a pu ruang awmna, mausaloeum hi a lo tlawh tawh a, kuminah erawh a kal ve lo a, a kal loh chhan erawh sawi lan a ni lo.

An anniversary pual hian military parade neih a ni bawk a, field hrang hranga thawk mekte bakah veteran te pawh an inlan. NKorea hian military parade hi ni pawimawh dangah pawh a buatsaih fo ṭhin.