Obama-a'n Israel PM Netanyahu rawtna a hnawl

US President Barack Obama chuan Israel Prime Minister Benjamin Netanyahu-a'n Iran nena nuclear deal siam a nih dawn chuan Iran-in Israel ram a pawmna (recognition), deal-a telh tura a rawtna a hnawl.

P5+1 ( US, Britain, France, Russia, China plus Germany) leh Iran ram chuan nuclear deal siam tur hian an bei mek a, June thla tawpah inremna hi tihfel hman an tum a ni.

Israel PM Netanyahu chuan Iran nuclear deal siam tum hi a hma aṭangin a lo dodal tawh a, Iran inremna siampui a nih chuan Israel himna a tiderthawng thei dawn niin a sawi. Hei bakah hian nuclear deal siam an tum chu Iran-in nuclear ralthuam a siam theihna tura kawng hawnsaktu mai a nih a hlauhthawn thu a sawi bawk.