Malaysia-in anti-terror bill a pass

Malaysia chuan firfiak beih letna tur, sawizui hlawh tak anti-terror bill a pass.

Sorkar chuan Islam firfiakte beih letna turin dan khauh tak siam a ngai a ni, a ti. Bill siam tharah hian kum 2012-a Prime Minister Najib-a'n a lo hlih tawh, thubuai siamsak kher loa tiam chin awm loa hren theihna dan pawh telh ṭhat leh a ni.

Human Rights Watch chuan Malaysia sorkarin bill a pass chu ṭha a tih loh thu sawiin, hmasawnna ni loin hnungtawlhna a ni, a ti.

Hetihlai hian police-te chuan an ram khawpui, Kuala Lumpur beih tumtu nia sawi mi 17-te chu an hreng mek a, hetihlai hian he dan hi sorkar chuan a siam thar leh ta a ni.

Home Minister Zahid Hamidi chuan an mi mante zingah hian kum 14 mi pawh a tel niin a sawi a, police station bakah sipai hmunpuite bei a, ralthuam lak an tum tih a sawi. An zinga pahnih chu Syria aṭanga kir hlim an ni bawk.

Anti-terror bill hi Pathianni zan khan Parliament-ah hun rei tak chhung sawi ho a ni. Dan siam thar hnuaiah hian firfiak nia rinhlelh chu thubuai siamsak kher loin kum hnih chhung hren theih a nih bakah, a hun pawh hi pawhsei theih a la ni. Hrenbeh an nih tur chungchang chu judiciary ni loin terrorism board-in a ngaihtuah ang. Thuneitute chuan Malaysia leh ramdang mite travel document an tih tawpsak thei bawk ang.

Bill hi Senate-in a pawm leh a ngai dawn a, mahse Senate-ah hian rorellai party leh a thurualpuite'n majority an neih avangin awlsam taka an pass theih beisei a ni.