Sierra Leone-ah ruang phum ṭhat loh vangin mi 13 man

Ebola hri lenna, Sierra Leona ramah mi 13-te chu sorkarin ruang phum dan tura dan a siamte zawm ṭha loa puhin a man.

Sierra Leone khawpu, Freetown police-te chuan mi 13 thubuai an siamsakte'n mithhi ruang an phum dan chu a him tawk lo niin an sawi a, mipuiin an hrilh ruk aṭangin man an ni ta tih an sawi. An man dawn hian mi 13-te hi kum 50 mi ruang phum an lo tum mek a, ruang phum tur hian phalna pawh an nei lo niin an sawi.

Mi 13-te hi man an nih hnuah an ruang phum tur hi burial team hnenah hlan a ni a, police-te chuan ruang phurtu ambulance pawh an man nghal bawk.

Local Unit Commander Superintendent David Sama chuan Ebola hri leng mek avangin ruang phum dan pawh fimkhur a ngai hle tih a sawi a, hei vang hian mitthi phum turte chu burial team kuta hlan zel tura hriattirna pawh tihchhuah a ni tawh a ni, a ti.