Ukraine-in drone 144 hmangin Russia khawpui a bei

Ukraine chuan nimin, September 10 khan drone 144 hmangin Russia khawpui, Moscow a bei a, mi pakhat thiin in eng emaw zat a chhia a, Moscow-a thlawhtheihna service thlengin a khaihlak phah.

Russia chuan Moscow huam chhunga thlawk lut, Ukraine drone 20 chu an lo tih chhiat sak tih a sawi ve bawk. Ukraine beihna avang hian Moscow-a airport pali zinga pathum chu darkar ruk chuang khar a ni a, flight 50 vel chu hmun dangah thlawh tir an ni bawk. Ukraine drone hian Ramenskoye district-a apartment building fuhin, kangmei a chhuak zui bawk a ni. Ramenskoye district hi Russia Parliament, Kremlim chhimchhak lam km 50 vel chauha hlaa awm a ni.

Russia-Ukraine indona thleng mekah Ukraine hian Russia khawthlang lam, Kursk bial chu August thla aṭang drone hmangin ngawrh zawkin a bei a ni. Ram pahnihte hian inbeihna atan drone hi an hmang uar chho hle a, ram dang aṭang an lei bakah anmahni pawhin an siam bawk.