UN-in NKorea mipuite chhawmdawlna atan dollar mtd 111 a dil

United Nations humanitarian wing chuan kum 2015 atan Democratic People's Republic of Korea (North Korea) mipuite chhawmdawlna turin US dollar maktaduai 111 mamawh a nih thu leh, sum mamawhte an theih anga pe turin ram hrang hrangte a ngen.

NKorea-a UN Resident Coordinator, Ghulam Isaczai chuan, sum hi hmanhmawh taka mamawh a nih thu leh, heng sumte hi ei tur semna bakah, agriculture, health and nutrition, water and sanitation atana hman tur a ni, a ti.

Isaczai chuan NKorea mipuite din­hmun chu a ṭha lo hle a, hetihlai hian chhawm­dawlna tur an dawng ṭha lo a, ram dangte ngaihsak an hlawh vak lo niin a sawi. NKorea ram mipui maktaduai 24.6 zingah 70% hi ei leh in lamah an hnianghnar lo a, hriselna atana ei tur ṭha leh pawimawh an ma­mawh­te an ei pha lo an ni, tiin UN chuan a tarlang.