Vietnam : Tuilian vangin Hanoi-a chengte sawn chhuak

Vietnam khawpui, Hanoi chu Red River-a tui lianin a chim tel avangin mi sang tel chu hmun him lamah sawnchhuah an ni. Vietnam rama typhoon Yagi tlehin chhiatna a thlen hrang hranga thi chu mi 152 an tling tawh bawk.

Kumina Asia rama typhoon tleh na ber, Yagi hian ruah tam tak a ken tel bawk avangin Vietnam ram hian Inrinni liam taa thlipuiin a nuai bakah ruahsur nasa avangin tuilian an tuar tel a ni. Hanoi-a chengte chuan kum 30 chhunga tuilian an tawrh nasat ber ṭum a thleng tih sawiin, in tam tak chu tui hian a chim a, kawtthlerah pawh tui a tling nasa hle.

Hanoi-a school eng emaw zat chu khar niin, hmun hniam lama chengte chu sawn chhuah an ni tih sorkar chuan a sawi. Khawpui laili laia awm, charity Blue Dragon Children's Foundation pawhin an office an chhuahsan a ngaih phah a ni.