Hamas hruaituin Qatar leh Egypt palaite a hmu

Israel nena indo mek, Palestinian firfiak pawl Hamas hruaitu Khalil al-Hayya chuan Gaza Strip-a inkahhai a awm theihna tura palai hna thawktu, Qatar prime minister Sheikh Mohammed bin Abdulrahman Al-Thani leh Egpyt intelligence hotu, Abbas Kamel a hmu tih Hamas chuan an tarlang.

Hamas chuan US-in inkahhai puanna tura a lo duan tawh chu an pawl chuan an la duh reng a, rawtna dang siam thar leh chu an pawm thei dawn lo niin an sawi. Hei hi tun hnaia Israel prime minister Benjamin Netanyahu-a'n inkahhai puan a nih pawha Gaza-Egypt border-a Philadelphia Corridor a Israel sipai dah chhunzawm zel tura a nawrna chungchang an sawina nia ngaih a ni.

Heti lai hian Gaza-a inremna a awm theihna tura hma la tu dang, US chief negotiator, CIA director William Burns chuan rawtna dang hi siam ṭhat leh thuai a ni dawn tih a sawi.